MEPUTSO: 100
NAKO: 2½ diiri
Palomoka ya matlakala a dipotšišo ke 6.
LEPHEPHE LA BORARO (P3)
DITAELO
Lephephe le, le arotšwe ka dikarolo tše THARO, e lego ya A, ya B le ya C.
KAROLO YA A:
KAROLO YA B:
KAROLO YA C:
Ditaodišo 
Ditšweletšwa tša tirišano tše telele 
Ditšweletšwa tša tirišano tše kopana 
Araba potšišo e TEE karolong ye nngwe le ye nngwe.
Šomiša polelo yeo o lekwago ka yona.
Thoma karolo ye NNGWE le ye NNGWE letlakaleng le LEFSA.
Beakanya (ka tsela ya mmepe wa monagano, seswantšho, mantšu a bohlokwa le tše dingwe) o be o badišiše le go dira palobohlatse. Peakanyo ya gago e tšwelele pele ga taodišo ya gago.
Peakanyo e bonagale gabotse. E laetše ka go thala mothalo wa go putla.
Šomiša metsotso ye e ka bago 80 go KAROLO YA A, ye 40 go KAROLO YA B, le ye 30 KAROLONG YA C.
Dikarabo di nomorwe go ya le ka fao dipotšišo di nomorilwego ka gona.
Efa karolo ye nngwe le ye nngwe hlogo ya maleba.
Ngwala ka bothakga le ka mongwalo wa go balega.
KAROLO YA A: DITAODIŠO
POTŠIŠO 1
Kgetha E TEE ya dihlogo tše di latelago gomme o ngwale taodišo ya botelele bja mantšu ao e ka bago a 250 go iša go a 300.
Taodišo e rulaganywe ka lenaneo la go swana le mmepe wa monagano goba lenaneo leo le ka go thušago go rulaganya. O tla fiwa meputso ya go rulaganya le palobohlatse.
Lebelela seswantšho sa ka tlase gomme o ngwale taodišo ka sona.
GOBA
Dikolo ka moka tša Afrika-Borwa di swanetše go kwalakwatša lenaneo leo le lego mabapi le tlhahlobo ya diokobatši. Dumela goba ganetša.
GOBA
Ka diatla tša ka nka phela. Etšwa tema.
GOBA
Ntšha sa mafahleng a gago mabapi le tsošološo ya dipapadi tša setšo.
GOBA
Bohodu bja go thubja ga dipanka ke tlhobaboroko.
GOBA
Lekodišiša seswantšho se gomme o ntšhe sa mafahleng a gago.
GOBA
Seo ke ratago go ba sona bophelong.
GOBA
Bolwetši bja kholera bjoo bo aparetšego naga ya gešo ke tlhobaboroko.
PALOMOKA YA KAROLO YA A:
KAROLO YA B: DITŠWELETŠWA TŠA TIRIŠANO TŠE TELELE
POTŠIŠO 2
Araba potšišo E TEE go tše nne tše di latelago. Botelele bja karabo ya gago e be mantšu a 120 go iša go a 150 (diteng fela).
Ngwala ditshwayatshwayo tša puku yeo o ipshinnego ka yona.
GOBA
Lebelela seswantšho se se latelago gomme o ngwale poledišano gare ga motswadi le ngwana wa gagwe Malose, mabapi le dipoelo tša mafelelo a ngwaga tšeo di sa kgahlišego.
GOBA
Batswadi ba gago bao o sa dulego le bona ba feditše mengwaga ye masometharo ba nyalane. Ba ngwalele lengwalo la ditebogišo.
GOBA
Yo mongwe wa leloko la geno o robetše boroko bjo bogolo. Ngwala tša bophelo bja mohu ka botlalo.
PALOMOKA YA KAROLO YA B:
KAROLO YA C: DITŠWELETŠWA TŠA TIRIŠANO TŠE KOPANA
POTŠIŠO 3
Araba potšišo E TEE go tše tharo tša tše di latelago. Botelele bja karabo ya gago e be mantšu a 80 go iša go a 100.
Bjalo ka modulasetulo wa lekgotla la baithuti, ngwala papatšo yeo o gokagoketšago baithuti ba kreiti 8 go tla go ingwadiša sekolong sa geno.
GOBA
Kgaetšediago o fetša mengwaga ye masomepeditee gomme batswadi ba gago ba nyaka go mo direla moletlo wa ka sephiring. Thala karata ya go mema bagwera ba gago go tla moletlong.
GOBA
Ngwala ditšhupetšo tšeo di hlalošetšago badudi ba selete sa geno go ya moo go boutelwago gona.
PALOMOKA YA KAROLO YA C:
PALOMOKA YA TLHAHLOBO:
